Kryefjala e këtyre ditëve në Bosnjë e Hercegovinë ka qenë vizita e të dërguarit të Shteteve të Bashkuara të Amerikës për Ballkanin Perëndimor, Gabriel Escobar, i cili thuhet se është tronditur nga kriza më e madhe politike që nga lufta,shkruajn mediat boshnjake.
Escobar theksoi se Shtetet e Bashkuara dhe partnerët evropianë garantojnë me vendosmëri sigurinë në Bosnjë dhe përsëriti edhe një herë se nuk do të ketë luftë.
Siç tha ai, sanksionet amerikane, për të cilat shumë po flasin, janë në tavolinë, por ato nuk kanë për qëllim Republika Srpskan, por individë, përfshirë kompanitë që i ndjekin, tha Escobar për BHRT.
Deklarata e tij vjen në kohën kur udhëheqësi serb i Bosnjës, Millorad Dodik, është duke kërcënuar me ndarjen e Republika Sërpskës, entitet i banuar me shumicë serbe, nga pjesa tjetër e Bosnjës.
Ai po ashtu ka thënë se serbët e Bosnjës mund të tërhiqen nga ushtria e përbashkët e vendit dhe të rikrijojnë një forcë serbe.Përfaqësuesit e Republikës Sërpska janë duke e bojkotuar punën e institucioneve qendrore të Bosnjës që nga fundi i korrikut, kur paraardhësi i Schmidtit, Valentin Inzko, ka vendosur një ligj që ndalon mohimin e gjenocidit dhe krimeve të tjera të luftës në Bosnje.
Republika Sërpska ka refuzuar ta ndalojë me ligj mohimin e gjenocidit.Republika Sërpska së bashku me Federatën Myslimane-Kroate janë dy entitetet që përbëjnë Bosnje e Hercegovinën.
Organizimi i tillë është bërë me të ashtuquajturën Marrëveshje të Dejtonit, e cila i ka dhënë fund luftës në Bosnje, në vitet 1990.
Discussion about this post