Peskara pësoi një humbje minimale ndaj Çezenës në serinë B me shifrat 1-0, disfatë e cila erdhi në fundin e ndeshjes çka nervozoi tifozët pasi kjo skuadër synon të ngjitet në elitën e futbollit italian sezonin e ardhshëm. Ledian Memushaj reagoi pas humbjes duke theksuar:
‘’Tifozët na kanë kërkuar të shpalosim të gjitha atributet tona në fushë, ata nuk janë të kënaqur me performancën tonë, por as ne. Të dhemb kur humb nga një autogol i shkaktuar, por nuk ka vlerë ta mendosh këtë gjë. Shkojmë për testin e radhës’’.
Një deklaratë prej lideri nga mesfushori vlonjat që kaloi sezonin më të mirë me Peskarën në vitin 2016 ku arrti të shënonte 11 gola dhe të dhuronte 3 asist. Futbollisti i kombëtares është ndër lojtarët kryesorë të ekipit italian.
Discussion about this post