Presidenti Recep Tayyip Erdoğan u takua të martën me Milorad Dodik, anëtar serb i Presidencës trepalëshe të Bosnje-Hercegovinës, në Kompleksin Presidencial në kryeqytetin Ankara.Erdogan dhe Dodik konsumuan një darkë pune që ishte e mbyllur për shtypin.
Dodik pas takimit pranoi se ai dhe Erdogan janë pajtuar se paqja nuk ka alternativë.
“Kërcënimi me forcë nuk mund të zgjidhë asnjë problem. Të tjerët e kanë imponuar atë temë. Erdogan është i njoftuar me situatën në Bosnje dhe kjo ka qenë një mundësi për t’ia paraqitur atë nga këndvështrimi ynë. Kërkojmë mirëkuptim për proceset politike”, tha Dodik.
Dodik njoftoi për vizitën e tij në Ankara të hënën, pas takimit që zhvilloi me të dërguarin amerikan për Ballkanin Perëndimor, Gabriel Escobar.
Escobar qëndroi për vizitë në Bosnje në kohën kur ky vend është përfshirë nga kriza politike, pasi përfaqësuesit e Republikës Sërpska, entitet i banuar me shumicë serbe, nuk janë duke marrë pjesë në punën e institucioneve shtetërore.
Më herët në të njëjtën ditë, Bakir Izetbegoviç, kreu i Partisë së Veprimit Demokratik të Bosnjë-Hercegovinës, theksoi se “Bosnja duhet të përfitojë nga lidhjet e favorshme të Turqisë me Serbinë.”
Izetbegoviç tha se diskutuan shumë çështje me Erdoganin në takimin e javës së kaluar që zgjati dy orë.
“Erdoğan ka marrëdhënie të mira me presidentin serb Aleksandër Vuçiq dhe Dodik. Erdogan është një lider që është shumë i fortë dhe vendos marrëdhënie të mira. Ne duhet të përfitojmë nga kjo”, tha Izetbegoviç.
Discussion about this post