Përballja në “Big Brother VIP”, Fifi kërkon të ndërrojë vendet me Arditin

“Big Brother VIP” ka bërë të mundur një përballje mes Fifit dhe Arditit, pasi ky i fundit është eliminuar të premten e kaluar nga shtëpia më e famshme e Shqipërisë, pasi ishte në nominim me Donaldin.

Fifi, si e preferuara e publikut, kishte të drejtën të shpëtonte njërin nga djemtë e nominuar (Graniti dhe Arditi) nga eliminimi. Ajo, zgjedh të ndërrojë Granitin me Donaldin.

Arditi, gjatë një interviste për “Shqipëria Live”, u shpreh për këngëtaren se e ka konsideruar si mikeshë, por veprimi i fundit që bëri, e cila sipas tij ishte arsyeja e largimit nga emisioni, e ka quajtur si pafytyrësi.

Kur Filloreta u njoftua nga moderatorja, Arbana Osmani, për prezencën e Arditit në shtëpi dhe arsyen përse ai kishte ardhur, ajo nuk pranoi ta takonte në fillim, por banorët e bindën për të shkuar në oborr që të sheshonte gjërat me të.

Arditi: Fifi…

Fifi: Mos ma thuaj emrin, se jam e pafytyre, siç ke thënë ti

Arditi: Arsyeja që kam ardhur këtu është se kam dalë nga shtëpia me një peng. Nuk më sqarove mua në asnjë moment, pse nuk mendove për shokun tënd.

Do ta bëja përballë, siç kemi sqaruar çdo gjë përballë. Të kam ndenjur përballë. Kërkova nga ti dhe prisja është që minimalisht të vije të më sqarove, siç sqarove Granitin dhe Donaldin

Fifi: Miqësia jonë, nga ana ime ka qenë shumë korrekte. Asnjëherë nuk të kam nominuar, edhe kur të gjithë kanë folur keq për ty, unë kam thënë mos flisni ashtu. I vetmi gabim ishte se nuk e mendova shumë, thjesht nuk doja të ikte Graniti.

Arditi: Mendon se miqësia jonë këtu ka qenë për interes?

Fifi: Po më vjen keq që ke ardhur ta sqarosh kështu. Unë nuk kam dalë nga fjalët e mia. Mos na e bëj kështu muhabetin.

Arditi: Ti e ke ndryshuar versionin disa herë…

Fifi: Unë me logjikën time, me ato dy pare mend që kam, po të të nxirrja me Sarën, që e kisha nominuar, e dija që nuk do të dilte, se ajo sa ka hyrë.

Arditi: Ti më ke nxjerrë kështu si e bëre.

Fifi: Të betohem që nuk e kam bërë qëllimisht, sa kam dalë nga aty, thashë e nxora Arditin dhe u bëra shumë

Arditi: Erdha për t’u sqaruar ku qëndrojmë ne…

Fifi i kërkon Arbanës nëse mund të ndërrohet me Arditin dhe të dalë ajo jashtë, por kjo nuk u pranua nga “Vëllain e Madh”.

Më tej ajo i kërkon falje kantautorit, ndërsa ai e pranon dhe i thotë që të hyjë në shtëpi dhe të vazhdojë lojën e saj, pasi aty ishte futur vetëm për të sqaruar gjërat mes tyre. / O.B / Gijotina.com