Ish-ministri Drejtësisë, Ylli Manjani ka paralelizuar mbledhjen e Kuvendit Kombëtar të PD me kongresin e thirrur nga socialistët në vitin 1995 kur Fatos Nano ishte në burg, dhe pavarësisht refuzimeve të kryesisë që pretendonin se kishin vulën, kongresi u mblodh.
“Në vitin 1995 Fatos Nano nga burgu politik ku ishte nxiti disa anëtarë forumesh në PS (Brokaj, Legisi, Islami etj) që të bënin një mocion besimi nga drejtuesve të partisë në atë moment. Nano ishte në burg dhe partinë e drejtonte një kryesi ad hoc. Megjithë refuzimet e kryesisë së kohës (eehe ata flisnin për shumicën e partisë dhe për vulën e saj) nismëtarët arritën të mbledhin kongresin dhe ti japin dërrmën drejtuesve që mbanin vulën”, shkruan Manjani.
Manjani shkruan në Facebook se sot Berisha është në të njëjtën situatë si Nano, por me më shumë avantazhe ku ka rreth 60 % të kongresit në dakordësi.
“Sot Berisha, jo në burg si Fatosi, po bën të njëjtën gjë. Por me shumë më tepër avantazhe organizimi se Fatosi. Ka rreth 60% të anëtarëve të kongresit në dakordësi. As në këtë rast nuk ka më vulë që të ndalojë këtë shumicë të mblidhet dhe të vendosë. Ky është rregull themelor i bashkëjetesës vullnetare. Ska ligj më të fortë në fuqi që të rregullojë bashkëjetesën sesa ky”, shprehet ai.
Sipas Manjanit, kur vetë mblidhet kongresi, për shkak se drejtimi i partisë sipas tij, ka lajthitur, ai është fuqiplotë dhe organet që dalin prej tij fillojnë riorganizimin e partisë.
Discussion about this post