Drejtori i Përgjithshëm i Institutit të Sigurimeve Shoqërore, Astrit Hado, ka treguar sot gjatë Komisionit të Ekonomisë se si do të indeksohen pensionet për vitin 2022. Hado ka sqaruar se për arsye të shumta vitin që vjen indeksimi nuk do jetë në të njëjtën normë me inflacionin e përgjithshëm, por do të jetë në normën e rritjes së çmimeve për disa mallra dhe shërbime të veçanta që janë më të përdorshme nga mosha e tretë.
“Gjatë të gjitha viteve të fundit indeksi i veçantë për pensionistët ka qenë më i lartë se inflacioni i përgjithshëm. Që do të thotë që nëse rritet çmimi i energjisë dhe i bukës, rritet dhe indeksi i inflacionit për pensionistët. Në rast se do të ketë një shtim të inflacionit këto muajt e fundit, sigurisht do të reflektohet në indeksin që do të prodhohet nga INSTATI”, u shpreh ai.
Ndër të tjera ai bëri një paralajmërim aspak të mirë, pasi tregoi që, nëse rritje do të jetë e madhe atëherë ajo nuk do të mund të mbulohet dot nga ISSH. “Nëse do të ketë rritje të menjëhershme të inflacionit, brenda buxhetit të sigurimeve ka hapësira për ta kapur një indeks më i madh. Është e pamundur të përballohet nëse ka një rritje nga 2.8 në 6, pasi është e pamundur ta përballojë buxheti aktual, por nëse ka një rritje nga 2.8 në 3, kjo është e mundur për tu përballuar nga buxheti i Sigurimeve Shoqërore”, tha Hado.
Nga ana tjetër, pensionistët se me pagesën që marrin ata nuk përballojnë dot as shërbimet bazë, dhe situata bëhet me e papërballueshme për ata që marrin dhe mjekime shëndetësore. E.H/ gijotina.com/
Discussion about this post