Anëtari i Partisë Demokratike, Arben Ristani, ka deklaruar se Kuvendi Kombëtar do të mblidhet me çdo kusht më 11 dhjetor.
Ky reagim vjen pas pretendimin të sekretarit të përgjithshëm të PD-së Gazment Bardhi, se Berisha nuk ka mbledhur firmat e nevojshme për thirrjen e Kuvendit dhe po luhet blofi duke u tallur me demokratët.
“Kuvendi Kombëtar i Partisë Demokratike do të mblidhet me çdo kusht më 11 dhjetor të këtij viti. Nuk e ndalon dot askush. Praktika që po ndiqet është ajo që është ndjekur më herët për zgjedhjet në PD, e bërë nga Jemin Gjana.”
Ristani theksoi se ruajtja e të dhënave e kërkuar nga delegatët e kësaj nisme është konform me ligjin, ndërsa përsa i përket mbledhjes së firmave, Ristani theksoi se 4200 firma janë mbledhur deri në momentin që janë dorëzuar në zyrën e kreut të Këshillit Kombëtar, por mbledhja e tyre do të vijojë duke kaluar këtë shifër.
“Po ruhen të dhënat sipas ligjit të privatësisë. Nuk janë 4 mijë e 200 firma, aq ishin deri në atë moment që u dorëzuan, tani janë më shumë, do bëhen akoma më shumë.”
Discussion about this post