Një tjetër aksident i rëndë është shënuar pasditen e kësaj të enjteje në Lezhë. Burime nga policia për gijotina.com bëjnë me dije se aksidenti ka ndodhur në rrugën e Tales.
Një automjet tip “Benz” është përplasur me një kamion dhe për pasojë ka mbetur i plagosur drejtuesi i autoveturës. Siç shihet edhe nga pamjet e siguruara nga gijotina.com mjeti tip “Benz” ka ngecur poshtë kamionit pas përplasjes duke u shkatërruar totalisht në pjesën para.
I dëmtuari është transportuar drejt spitalit Rajonal të Lezhës. Policia ndodhet në vendngjarje dhe po heton shkaqet.
Pritet të zbardhen detaje të tjera pas hetimeve në vendin e ngjarjes, ndërsa paraprakisht dyshohet se të dyja automjetet kanë qenë duke udhëtuar me shpejtësi përtej normave.
Discussion about this post