Mourinho hedh sytë nga United, kërkon këtë mbrojtës

Diogo Dalot mund të rikthehet në Serie A për Romën dhe jo Milanin, pasi mbrojtësi i Manchester United është në radarët e Jose Mourinhos.

22-vjeçari portugez e kaloi sezonin e kaluar si huazim te Milani, duke bërë 33 paraqitje konkurruese në të cilat shënoi dy gola dhe dha tre asistime.

Huazimi nuk u bë i përhershëm dhe ai u kthye në Manchester United, por deri më tani ka bërë vetëm gjashtë paraqitje në të gjitha garat.

Sipas ‘Calciomercato.com’, Dalot mund të kthehet në Itali për Romën, ku do të ribashkohej me ish-trajnerin e Manchester United, Jose Mourinho.

Në atë kohë, ai ishte vetëm 19 vjeç dhe bëri 16 paraqitje nën urdhrat e teknikut portugez.

Roma po kërkon një alternativë ndaj Rick Karsdorp si mbrojtës i djathtë dhe shkathtësia e Dalot mund të jetë gjithashtu një çelës, pasi ai mund të luajë në të dyja anët e një mbrojtjeje me katër lojtarë./K.T/Gijotina.com