Kombëtarja e Maqedonisë së Veriut fitoi me rezultatin e thellë 5-0 në fushën e Armenisë. Heroi i takimit për maqedonasit ishte Enis Bardhi i cili realizoi një tripletë personale duke ndihmuar ekipin të tij të merrte tre pikë të arta në këtë ndeshje. Trajkovski kaloi në avantazhin miqtë në minutën e 22 teksa Bardhi dyfishoi shifrat në të 36 minutë.
Në fraksionin e dytë nuk pati histori teksa Bardhi shënoi edhe dy gola të tjerë. Në të 66 minutë dhe në fundin e takimit teksa goli tjetër mban firmën e Ristovskit. Me këtë fitore Maqedonia ngjitet përkohësisht në vendin e dytë në grupin J në kuotën e 15 pikëve, gjashtë më pak se Gjermania.
Në ndeshjet e tjera kombëtarja e Azerbajxhanit u mund në shtëpi nga Luksenburgu me shifrat e thella 3-1 duke thelluar akoma më tej krizën e rezultateve. Gjeorgjia mundi pastër 2-0 Suedinë ndërsa Rusia shkatërroi 6-0 Qipron.
Discussion about this post