Përplasjet e shpeshta mes kryeministrit të vendit dhe kryebashkiakut të Vlorës kanë qenë një temë tejet e komentuar gjatë këtij viti. Gjithçka nisi nga refuzimi që Leli i bëri kërkesës së Edi Ramës për të qenë pjesë e listës së kandidatëve për deputet në qarkun e Vlorës.
Jo vetëm nga Rama, por Leli u sulmua dhe nga anëtarë të tjerë të PS dhe deputetët e rinj.
Në lidhje me këtë temë ka folur sërish deputeti i Partisë Socialiste, Damian Gjiknuri.
Ai ka pohuar se Leli dezertoi betejën dhe u tregua si një njeri i lidhur pas karriges. Sipas socialistit, besnikëria në një parti provohet kur dikujt i kërkohet dorëheqja apo ripozicionimi dhe është i detyruar ta bëjë atë gjë.
Ndër të tjera Gjiknuri shprehet se kryebashkiaku duhet të ishte i pari që duhet të kishte sakrifikuar.
“Unë e kam mbyllur kapitullin me Lelin, sepse është një njeri që dezertoi një betejë dhe u tregua si një njeri i lidhur pas karriges së tij. Besnikëria në një parti është se kur të kërkohet dorëheqja apo ripozicionimi t’i e ke për detyrë, sepse ke marrë nga ai pushtet. Leli është emëruar dhe duhet të ishte i pari që duhet të kishte sakrifikuar, tha Gjiknuri.
Discussion about this post