Biznesmeni shqiptar, RezartTaçi, ka reaguar menjëherë pas publikimit të lajmit se ka një urdhër arresti për të mbi akuza për pastrim parash. Në një deklaratë për Albanian Post, ai e quan të pavlerë urdhrin për arrest të lëshuar nga SPAK dhe mohon të gjitha akuzat e bëra ndaj tij. Taçi tregon se, ndodhet jashtë shtetit për momentin, por do ta ankimojë vendimin e SPAK.
“Unë nuk arrij ta kuptoj se si mund të nxirret ndaj meje një urdhër i tillë arresti. Nuk ka asnjë provë, asnjë fakt. Është një vendim tërësisht i pakuptimtë”, është shprehur ai.
Ndërsa ndaj akuzave se ka lidhje me biznesmenin italian Francesco Zummo, Taçin ka thënë se ai as nuk e njeh 90-vjeçarin dhe nuk e ka idenë se kush ai është. Madje ai ka mohuar të ketë lidhje biznesi apo ndonjë bashkëpunim tjetër me Bledar Lilon dhe Artur Ballën. Kujtojmë se SPAK ka arrestuar sot këta dy të fundit dhe ka shpallur në kërkim Taçin, si dhe ka sekuestruar mbi 18 milionë euro, në llogarinë që dyshohet se i përket të akuzuarve. E.H. gijotina.com/
Discussion about this post