Pak para fillimit të protestës të fermerëve të Myzeqesë, kryeministri Edi Rama ka ndarë një lajm për “mbështetjen” ndaj fermerëve, të cilëve nuk iu favorizon veprimtarinë e tyre bujqësore.
Rama shkruan në Facebook se ofron 7.1 miliardë mbështetje për fermerët dhe investime në zhvillimin rural, ndërsa nuk thotë asnjë fjalë për heqjen e kompensimit 6% për ta.
Ndryshimet e paketës së re fiskale për vitin 2022 nuk janë mirëpritur nga grupi interesit në sektorin e bujqësisë, të cilët kanë organizuar një protestë paqësore.
Edhe pse prodhuesit dhe eksportuesit e fruta perimeve janë ulur disa herë në tavolinë me përfaqësues të ministrisë së Bujqësisë dhe të ministrisë së Ekonomisë, për të mos miratuar heqjen e TVSH-së të rimbursueshme nga 6% në 0%, deri më tani nuk është gjetur një gjuhë e përbashkët.
Discussion about this post