Kun Aguero pësoi një goditje në zemër pak javë më parë në kampionatin spanjoll duke ngritur alarmin tek të pranishmit në stadium dhe teleshikuesit. Argjentinasi i’u nënshtrua testeve mjekësore të cilët urdhëruan futbollistin të qëndrojë larg fushave të lojës për një periudhë tre mujore. Megjithatë ditën e sotme qarkulluan zëra që situata lojtarit ishte më e rënduar nga çfarë mendohej në fillim. Vetë futbollisti ka deklaruar në lidhje me këtë situatë:
“Pasi kam lexuar lajmet mund të them që jam duke ndjekur këshillat e doktorëve. Gjithashtu jam duke bërë testime dhe do të shoh gjendjen time brenda 90 ditëve. Qëndroni pozitiv”, thuhej në postimin e futbollistit argjentinas. Një lajm aspak i mirë edhe për trajnerin Ksavin që duhet të improvizojë formacionin.
Discussion about this post