Deputetja e Partisë Demokratike Albana Vokshi ka akuzuar Bashën e Gazment Bardhin se nëpërmjet strukturave të kësaj partie kanë kërcënuar demokratët që firmosën. Sipas asaj që Vokshi deklaron, thuhet se i ëstë bërë presion një zonje madje duke e kërcënuar vetëm e vetëm pse firmosi për mbledhjen e Këshillit Kombëtar, ashtu si shumë të tjerë.
Në Durrës disa të tjerëve u janë ofruar vende pune në bashki, në qoftë se nuk firmosin.
Pra, sipas demokrates të gjitha këto janë tentativa të marra nga drejtuesit e lartë të partisë, në mënyrë që të djathtët të mos mbështesin Berishën.
“Një gruaje kryetari i degës i ka bërë shantazh ndërkohë që i ka ofruar një vend pune në bashkinë e Durrësit. Se çfarë aksesi kanë njerëzit e Bashës në bashkinë e Durrësit…”, u shpreh Vokshi.
Gjithashtu ajo foli dhe për djegien e mandateve ku ka bërë me dije se Sali Berisha ishte i vetmi që nuk ishte dakord.
“Unë di që në Grupin Parlamentar, Sali Berisha ka qenë I vetmi që nuk ishte dakord 100% për djegien e mandateve. Ai tha se para këtij hapi ka aksione të tjera me protesta të pandalshme e të tjera. Pra unë nuk e besoj që ka qenë zoti Berisha pas këtyre vendimeve”, tha ajo.
Discussion about this post