Bizneset dhe familjet në vend e kanë të pamundur të paguajnë borxhet e marra nga bankat si dhe të shpenzojnë për konsumim. Për këtë arsye në tremujorin e dytë, bankat në të gjithë vendin kanë vendosur të lehtësojnë disi procedurat, në mënyrë që të krijojë aftësi paguese si për bizneset edhe për individët. “Bankat kanë relaksuar më tej politikat e tyre të kreditimit ndaj bizneseve, në përshtatje me përmirësimin e treguesve kryesorë makroekonomikë në vend. Kështu, në tremujorin e tretë, bankat lehtësuan standardet më së shumti për biznesin e madh, si pasojë e rrezikut të perceptuar për aftësinë paguese të tij”, thuhet në raport.
E njëjta gjë ka ndodhur edhe për familjet, pasi këto të fundit nuk kanë regjistruar asnjë përmirësim në aftësitë paguese. Sipas BSH, familjet nuk kanë akoma të ardhura të stabilizuara për këtë arsye ato kanë reduktuar konsumin, ndërsa tregojnë vështirësi në mundësit e shlyerjeve të kredive.
“Ecuria e ekonomisë dhe e inflacionit rrezikohet në kahun e poshtëm nga përkeqësimi i situatës epidemiologjike dhe nga gjurmë më afatgjata që pandemia mund të lërë në hezitimin e familjeve dhe bizneseve kundrejt shpenzimeve dhe investimeve. Në kahun e sipërm, ecuria e inflacionit rrezikohet nga një konsolidim fiskal më i ngadaltë”, thuhet në raport. Sipas BSH, bizneset dhe familjet nuk arrijnë as të paguajnë do taksat mujore. E.H/ gijotina.com/
Discussion about this post