Kryeqyteti ka përjetuar dje një ditë mjaft të nxehtë proteste, e cila ka zgjatur për më shumë se 8 orë rresht në rrugët kryesore të Tiranës.
Mbyllja e ditës së sotme të revoltës është shoqëruar me një bilanc të rëndë: përleshje të ashpra fizike mes protestuesve dhe forcave të policisë, përdorim i autobotëve të ujit, dhunë e ushtruar në terren, dhjetëra protestues të lënduar si dhe dhjetëra të tjerë të shoqëruar në komisariatet e kryeqytetit.
Pavarësisht tensioneve dhe ndërhyrjeve të forcave të rendit protestuesit nuk i kanë ndalur thirrjet e tyre.
Aty është lajmëruar se qëndresa do të vijojë edhe ditën e nesërme, ku është thirrur një tjetër protestë masive në orën 14:00, sërish përpara godinës së Ministrisë së Arsimit.
Edhe kryetari i PD-së Sali Berisha ka bërë thirrje që në orën 14:00 tek Ministria e Arsimit të mblidhen të gjithë demokratët, qytetarët, pavarësisht nga bindjet politike, të gjithë prindërit e studentëve dhe çdo të ri të vendit të mbështesin protestën e studentëve.
‘Studentët kanë nevojë për mbrojtjen e qytetarëve, për mbështetje. Ndaj dhe le të bashkohemi nesër studente, prindër, të rinj, qytetarë, si të pamposhtur, siç qëndruan sot studentët që sfiduan të vërtetë, mbrojtën kërkesat e tyre.’, theksoi Berisha.
Discussion about this post