Motra e Sarës, Ditea, e ftuar në emisionin “Goca dhe Gra”, është shprehur në lidhje me marrëdhënien e Dj Pm dhe motrës së saj në “Big Brother VIP”.
Gjatë intervistës ajo tregoi se i ka dhënë Sarës shumë këshilla përpara se të bëhej pjesë e shtëpisë më të madhe në Shqipëri dhe njëra prej tyre ishte që të dilte nga aty vetëm.
Gjithashtu, Ditea tregon se Sarah ka prirje të jetë e lirshme, por është më e rezervuar tani që e di se Dj Pm e pëlqen.
“I kam dhënë shumë këshilla para se të hynte në BB VIP. I thashë dil vetëm nga aty. Nuk isha dakord që të lidhej me banorët që ishin aty, por më pas pati hyrje të reja. Sarah zakonisht është më e prirë të jetë më e lirshme, por tani që e di që PM e ka qejf është më e rezervuar. Sarah ka problem takat, që kur të veshë taka mos të dalë më e gjatë se partneri. Kur PM hyri në BB VIP unë hodha një video në story ku babi ishte shumë spontan e thotë për Sarah ‘ishalla del’ se ishte në nominim. Po, duke parë karakterin e PM, është shumë gazmor, shumë easy dhe Sarah i pëlqejnë këto persona që nuk sjellin shumë drama në jetë” – ka treguar motra e Sarës.
Sarah dhe Dj PM janë dy nga personazhet që kanë marrë vëmendje në Big Brother Vip, për shkak të marrëdhënies së tyre. Dj PM ka shprehur hapur pëlqimin për blogeren, ndërsa kjo e fundit është treguar gjithmonë e rezervuar.
Discussion about this post