Berat/ Motori përplaset me “Audin”, motoristi në spital

Një aksident ka ndodhur mesditën e sotme në Berat, ku si pasojë është lënduar drejtuesi i motorit, i cili është përplasur me mjetin tip Audi.

Sikurse bën të ditur policia, në rrugën urbane “Antipatrea”, rreth orës 12:00, pranë vendit të quajtur “Dogana”, shtetasi Dh.L., 22 vjeç, duke drejtuar motomjetin është përplasur me mjetin tip “Audi”, me drejtues shtetasin F.L.

Drejtuesi i motomjetit, shtetasi Dh.L, është dërguar në spital, për ndihmë mjekësore.

Grupi hetimor po punon për zbardhjen e rrethanave të aksident.