Banorët e Bërxullës kanë nisur protestën para Kryeministrisë, sa i takon projektit Thumanë-Kashar ku do të shemben 22 banesa.
“Shteti është me krimin”, është një ndër thirrjet që këta banorë po brohorasin njëherazi, teksa ata po protestojnë prej muajsh pasi kërkojnë trasnparencë sa i takon projektit dhe dëmshpërblimit, që sipas tyre është shumë qesharak .
“Akoma nuk kemi marrë asnjë përgjigje, kemi 3 muaj protesta, të gjitha institucionet heshtin. Për banorët e thjeshtë nuk mendon njëri, dhe këtu dallohet se sa drejtësi ka pasur në Bërxullë.Edhe sot po i vidhet prona, banesa, liria. Ne do vazhdojmë akoma të protestojmë. Para 10 ditësh morëm iniciativën për vetëflijim, jemi bindur paksa me Tonin Vocaj, kemi paraqitur dokumenta.Por kjo nuk do të thotë që ne do të heshtim, do marrim akte edhe më ekstreme, sic ishte javën e kaluar. Jemi të vrarë. I bëjmë thirrje kryeministrit të na shikojë edhe ne.
Ne nuk po bëjmë protestë as për karrige, po mbrojmë jetën tonë, po vrasin jetën. Nuk duam ta përfshijmë fare politikën”– tha një prej banorëve për gazetarët.
Discussion about this post