Pandemia, 11 raste të reja me Covid

Ministria e Shëndetësisë ka publikuar të dhënat e fundit në lidhje me situatën me Covid-19 në vend.

Sipas MSH, nga 464 testime të kryera, kanë rezultuar pozitivë 11 qytetarë në vend në 24 orët e fundit.

Ndërkohë, asnjë qytetar nuk ka humbur jetën si pasojë e virusit dhe janë shëruar 26 persona.

“Në 24 orët e fundit: Janë kryer 464 testime, nga të cilët kanë rezultat pozitivë me COVID19, 11 qytetarë, në Bashkitë:

4 në Tiranë, nga 2 qytetarë në Kavajë, Himarë, nga 1 qytetarë në Kurbin, Vlorë, Sarandë.

Janë 142 qytetarë aktivë me Covid19 në të gjithë vendin.

Aktualisht në Spitalin Infektiv po marrin trajtim 3 pacient. Në 24 orët e fundit nuk ka asnjë humbje jete me SarsCov2.

Janë shëruar 26 qytetarë gjatë 24 orëve të fundit, duke e çuar numrin e të shëruarve në 329,458 që nga fillimi i epidemisë”, njofton MSH.