Prej disa ditësh është duke u zhvilluar aksioni për heqjen e kamerave që i shërbenin grupeve kriminale, në qytete të ndryshme të vendit. Gjatë ditëve të fundit vetëm në Shkodër janë hequr 59 kamera, ndërsa sot aksioni ka filluar edhe në Vlorë.
Kujtojmë se këto kamera janë vendosur pa lejen e policisë dhe shërbejnë për të monitoruar lëvizjet e qytetarëve dhe të forcave të rendit në kohë reale. Vendosja e tyre është në kundërshtim me ligjin 9887, të datës 10.03.2008 “Për mbrojtjen e të dhënave personale” dhe përbën veprën penale “Ndërhyrje të padrejta në jetën private”, që parashikohet nga neni 121 i Kodit Penal.
Edhe në Vlorë aksion për heqjen e kamerave të sigurisë në banesa dhe lagje të qytetit. Blutë e Vlorës kanë ndërmarrë aksion për heqjen e kamerave të sigurisë që kanë akses vrojtimi në hapësira publike. Aksioni vijon kryesisht në ambientet e njohura në posedim të personave të skeduar ose me backgroung kriminal.
Nga ana tjetër pikat kyçe të qytetit të Vlorës, kryqëzime, akse kryesore, sheshet..monitorohen nga kamerat e vendosura nga vetë policia.
Discussion about this post