Gjimnazi “Hasan Tahsini” në Sarandë, është kthyer në një vatër epidemiologjike dhe shkak është bërë shkelja e masave dhe festat e organizimet në grup.
Gjimnazistët u lejuan të organizojnë festë për Halloween, ndërsa shqetësim këtë vjeshtë është rikthyer edhe gripi i stinës.
“U sugjeronim të mbajnë distancën, aty bëhej e kundërta. I bashkonin klasat dhe bëhej mësim me klasa të bashkuara. U detyruam të mbyllim përkohësisht shkollën e Borshit. Në nëntor pjesa dërmuese e rasteve janë të nxënësit e shkollave”.
Mjeku epidemiolog, Milto Çondi, fajëson dështimin në zbatimin e protokolleve anti-Covid për rritjen e infektimeve mes fëmijëve, krahas neglizhencës.
“Që nga termotrimi i fëmijëve para se të hyjnë në shkollë. Shpesh nuk bëhet për neglizhencë.Vetëizolimi i rasteve pozitive dhe familjarëve, përdorimi i maskës.”
Këtë vjeshtë, krahas koronavirusit, po qarkullon njëherësh edhe gripi i stinës çka ka shtuar numrin e fëmijëve që kanë nevojë për ndihmë mjekësore në spital.
Discussion about this post