Skandal në sport, tifozët serbë në kor: Kosova është Serbi

Basketbollistët e skuadrës serbe Partizani mundën skuadrën franceze Asvelin në ndeshjen e 22 të kompeticionit elitar të basketbollit.

Por ajo që tërhoqi më shumë vëmëndje ishin brohoritjet e tifozëve në ‘Beograd Arena.’

Në mes të krizës me Kosovën, tifozët vendosën të shprehin qartë qëndrimet e tyre për këtë çështje me brohoritje të zhurmshme.

E gjithë salla u ngritën në këmbë dhe kënduan me radhë ‘Kosova Serbi’, ‘Kosova është zemra e Serbisë’ dhe pak më vonë filluan sharjet për Vuçiçin.

Këto sharje janë bërë standard në ndeshjet e skuadrës serbe, por kësaj radhe thirrjet ishin shumë më të forta në ndeshjen kundër skuadrës franceze.