Kryeministri Edi Rama në intervistën e dhënë për emisionin Top Story në Top Channel, foli për çështjen mjaft të diskutuar McGonigal.
Rama tha se e ka takuar agjentin, duke shtuar se “ai ka dashur ta takojë vetë”.
Grida Duma: Jeni mirë nga gripi sepse thatë se ishte një flamë?
Rama: Jam ok tani, jam shumë ok
Grida Duma: Pse keni heshtur deri më tani?
Rama: Nuk kam heshtur, por kam thënë atë që mund të them unë. Opozita më ka tërhequr edhe mua ndonjëherë në atë nivel. Sidoqoftë faleminderit që më jepni mundësinë. McGonigal ka ardhur më ka kërkuar ta takoja, më ka treguar se puna e tij ka pasur në fokus influencën ruse.
Më ka folur për rajonin. Pastaj takimet e tjera kanë ardhur si rezultat i pranisë së tij këtu, e jam takuar krejt rastësisht, ose në praninë time në SHBA, ku më ka ftuar dhe kam qenë në zyrat e FBI dhe Nju York. Nuk shoh asgjë të jashtëzakonshme në këtë marrëdhënie krejt normale. S’kam pasur asnjë detyrim të njoftoj as ambasadën.
Discussion about this post