Lajmet e këqija nga Turqia dhe Siria nuk kanë fund. Numri i viktimave nga tërmeti që goditi këto dy shtete është rritur në 11 mijë, derisa ekspertët paralajmërojnë që kjo shifër do të rritet akoma. Deri më tani nuk dihet numri i saktë i qytetarëve sirianë që humbën jetën nga tërmeti, për faktin se disa zona kontrollohen nga rebelët dhe ekipet e shpëtimit po hezitojnë të nisen atje.
Në anën tjetër, presidenti turk Recep Tayyip Erdogan i cili po viziton zonat e prekura turke nga tërmeti, ka njoftuar se deri më tani kanë humbur jetën 8754. Kujtojmë që dy tërmet goditën Turqinë javën e kaluar, duke arritur të bëhen pothuajse më vdekjeprurës sesa ai i vitit 1999, ku si pasojë humbën jetën 17 mijë njerëz.
E duke marrë parasysh se numri i viktimave është duke u rritur nga momenti në moment, një gjë e tillë ka gjasë të ndodhë. Sipas Organizatës Botërore të Shëndetësisë, vlerësohet se numri final i viktimave mund të arrijë në 20 mijë.
Discussion about this post