Ka arritur në njëmijë numri i intelektualëve që kanë firmosur online një kërkesë publike nga Forumi për Dialog Politik që Edi Rama të japë dorëheqjen.
Nga një monitorim i listës që është publike, shihet se tani mes tyre ka dhe të huaj.
E nisur si kërkesë nga 140 pedagogë, deklarata u kthye në një listë me mbi 1050 emra brenda 24 orëve dhe në të nuk janë vetëm lektorë, por edhe profesorë, doktorë shkencash, artistë, mjekë psikiatër, inxhinierë, ekonomistë, juristë, arkitektë, agronomë, planifikues urbanë, etj.
Nënshkruesit e deklaratës kërkojnë dorëheqjen e kryeministrit Edi Rama dhe krijimin e një qeverie kujdestare. Po ashtu, ata dënojnë dhunën policore ndaj studentëve dhe protestuesve të tjerë
“I bëjmë thirrje kryeministrit Rama që të dëgjojë kërkesat e studentëve dhe t’i hapë rrugë paqëtimit të vendit. Kërkojmë dorëheqjen e tij dhe krijimin e një qeverie kujdestare që të shërbejë për uljen e tensioneve, garantimin e stabilitetit institucional dhe respektimin e vullnetit të qytetarëve.”, thuhet në peticionin online që vazhdon të firmoset.
Deklarata ka dhe një paralajmërim për policinë: “Mos harroni se ata që ju japin këto urdhra sot, nesër do t’i mohojnë, ndërsa përgjegjësia do të mbetet mbi ju”, thuhet më tej në deklaratë.
Shikoni listën e intelektualëve që kanë nënshkruar deklaratën
gijotina.com/
Discussion about this post