QSUT me anë të një reagimi në rrjetet sociale shprehet se dënon rastin e djeshëm të dhunës ndaj bluzave të bardha. Në reagim, QSUT shprehet se mjekët dhe infermierët pranë institucionit punojnë me përkushtim.
Kujtojmë se dje një mjeke u dhunua në QSUT. Për rastin, u arrestuan dy persona dhe u proceduan tre të tjerë.
Njoftimi:
Shërbimi Infektiv në QSU “Nënë Tereza” është një ndër shërbimet pararojë që punon me përkushtim ndaj çdo pacienti.
Nisur nga rasti i dhunshëm ndodhur së fundmi ndaj koleges tonë, ne dënojmë dhunën ndaj bluzave të bardha dhe kërkojmë mbështetjen në punën tonë të çdo pacienti dhe familjari, në mënyrë që shërbimi të vijojë normalisht dhe në cilësinë e duhur.
Qendra Spitalore Universitare “Nënë Tereza” do të vijojë të mbështesë maksimalisht stafet mjekësore në punën e tyre të palodhur duke garantuar sigurinë në vendin e tyre të punës dhe mbrojtjen e dinjitetit profesional të mjekut në shoqëri.
Discussion about this post