Deputeti i PD, Ervin Salianji ka komentuar vendimin e Sekretariatit për Votimet dhe Etikën që përjashtoi një ditë më parë për dhjetë ditë nga seancat plenare dhe komisionet, tetë deputetë të opozitës.
Mes emrave të përjashtuar është edhe vetë Salianji, për shkak se në seancën e kaluar plenare, ai dhe kolegët e tij zaptuan foltore duke kërkuar që në seancë të ishte i pranishm kryeministri Edi Rama që të përgjigjej për skandalin “McGonigal”.
“Qesharak, së pari s’ka asnjë vlere se tregon përpjekjen foshnjarake të qeverisë për të eleminuar zërat e opozitës nga seancat plenare që i bie te 13-14 deputetë brenda një jave të përjashtuar.
Imagjinoni çfarë instikti ka kjo qeveri e ky kryeministër që kërkon të eleminojë në çdo formë opozitën dhe fjalën e vetmja gjë që ka opozita.
I shmanget debatit për një skandal që i djeg miza nën kësulë ku është përfshirë e mendojnë se do ta mbulojnë me budallaqe, që përjashtohen deputetët me 10 ditë që të mos kenë mundësi apo sa më pak zëra që të flasin në seancë
Ne nuk kemi thyer rregulloren, kemi kërkuar interpelancë me kryeministrin për çështjen McGonigal. Në vend që të merren masa ndaj atyre që nuk japin fjalën, shkohet tek përjashtimi i deputetëve.
Kur bëhet kjo para një proteste, edhe më mirë bën për të treguar se në çfarë gjendje është kjo qeveri. Koha e shpjegimeve me kryeministrin ka mbaruar, tani duhet të japë dorëheqjen. Tani të gjithë shqiptarët e kanë të qartë se kush po i qeveris, ndaj edhe po mbushin sheshet. Ka një vlim zemërimi tek qytetarët, pasi qeveria po ua nxin jetën dhe përballë kësaj situate ka vetëm një zgjidhje, largimi saj.”, u shpreh Salianji.
Discussion about this post