Suedia u mposht nga Spanja mbrëmjen e së dielës në kualifikuesen e fundit të Botërorit me rezultatin 1-0, duke humbur kështu ‘biletën’ direkte për në Katar.
Goli i vetëm i këtij takimi u shënua nga Alvaro Morata në minutën e 86-ë, duke kualifikuar kështu Spanjën për në fazën e finaleve.
Ndërsa pas kësaj disfate Suedia kalon në ‘Play-off’ ku do të ndeshet me 11 ekipe të tjera për 3 biletat e vetme të Katarit.
Duke folur pas kësaj ndeshjeje, Zlatan Ibrahimovic ishte shumë i mërzitur dhe i acaruar për humbjen e skuadrës së tij.
“Kemi luajtur një ndeshje shumë të mirë. Bëmë një gabim dhe ata shënuan në fund. Ishte një ndeshje e mirë në përgjithësi. Kishim shanse më të mira se Spanja. Është turp që humbëm. Kundër këtyre skuadrave, një rast mund të jetë gol. Ne do të mësojmë nga kjo. Të gjithë janë të zhgënjyer, por duhet të jemi pozitivë. Do të shohim se cilën skuadër do të jemi përballë në play-off, ka ende një rrugë të gjatë për të bërë. Nuk e di nëse do të jem ende gjallë deri në ndeshjet e play-off-it”,-deklaroi sulmuesi i Milan.
Suedia mban vendin e dytë të Grupit B, ndërsa më 26 nëntor pritet të mësojë kundërshtarin e fazës së ‘Play-off’./K.T/Gijotina.com
Discussion about this post