Përfaqësuesi ligjor i “grupit Alibeaj”, Indrit Sefa ka reaguar pasi Gjykata e Apelit vendosi datën për shqyrtimin e çështjes për vulën e partisë – 3 Mars.
Përmes një postimi në FB, Sefa shkruan se ky është një hap shumë i rëndësishëm për të zgjidhur përfundimisht çështjen e legjitimitetit të PD-së.
Sefa shton se PD është një parti e shqiptarëve dhe që respekton partneritetin strategjik me SHBA dhe BE.
“Më në fund!!!!! Pasi kemi depozituar për të disatën herë kërkesën për përshpejtimin e gjykimit të ankimit të PD-së, më në fund Gjykata e Apelit e Juridiksionit të Përgjithshëm ka caktuar datën e shqyrtimit të ankimit në datën 03.03.2023 në orën 11.00. Ky është një hap shumë i rëndësishëm për të zgjidhur në mënyrë përfundimtare çështjen e legjitimitetit të drejtimit të PD-së. PD është parti e shqiptarëve të ndershëm, që respekton shtetin ligjor, partneritetin strategjik me SHBA&BE dhe që do ta bëjë Shqipërinë si gjithë Europa”, shkruan Sefa.
Discussion about this post