Kryeministri Edi Rama është përplasur me deputetët e opozitës në foltoren e Kuvendit, ku ironizoi Bashën duke e cilësuar si një gramafon që flet të njëjtën gjë.
“Pse me ndërprisni unë nuk e ndërpreva muzikën e gramafonit, siç respektoni gramafonin kur flet më respektoni dhe mua”, deklaroi kryeministri.
Gjatë fjalës së tij, Rama thumboi gjithashtu nënkryetaren e PD, Jorida Tabaku, teksa deklaroi se shifrat nuk janë opinione. Ai tha se opozita ka të drejtë të flasë për buxhetin dhe të kërkojë më tepër, por të japë argumente.
“Lulzim hajde thuaje këtu sa i ka Serbia inputet për bujqësinë ose pyet atë që të jep shifrat ty, megjithëse t’i jep si balonë tabakë. Ça ka se balona tabake, është balona më e mirë se ka dhe tahuke. S’kam lidhje fare me mbiemrat, flas për balonat. Hajde thuaje këtu sa e ka TVSH-në. Asnjë problem etik s’ka këtu. Balonat janë objekte me të cilat kemi luajtur kur kemi qenë të vegjël. Ka pasur tabakë dhe tahuke. Tabaket ishin një nivel më lartë. TVSH për inputet është sot 10%. Pse e kemi ndryshuar? Bashkë me 6% e TVSH së grumbulluesve. Shifrat nuk janë opinione. I keni para syve. Kur flisni buxhetin keni të drejtë të kërkoni shumë më tepër se prandaj jeni këtu. Por duhet argumentuar, jo t’ia heqim këtyre. Ju nuk hiqni dot asgjë, ju mund të votoni kundër dhe kaq. Ju nuk hiqni dot asgjë dhe as frenoni dot gjë në këtë rrugë ku nuk na ndalni dot ju”, tha Rama.
Discussion about this post