Real Madridi do të përballet në mbrëmjen e 11 shkurtit (20:00) me sauditët e Al Hilalit, një skuadër e panjohur në Europë, por me prestigj të jashtëzakonshëm në vendin e tyre dhe kontinentin e Azisë, ku janë ‘mbretër’ historikë për tituj.
Katër herë fitues në Champions Leaguen e tyre (1992, 2000, 2019 dhe 2021) dyfishi i triumfeve në krahasim me gjithë rivalët e tyre kontinental, përveç koreanëve të FC Pohang Steelers, të cilët kanë tre. Al Hilal ka edhe katër tituj nënkampioni, ndërkohë që ai ende mund të fitojë Champions League të vitit 2022, e cila ende po luhet dhe Al Hilal është në raundin e 16-të.
Është një gjigant aziatik që sigurisht ka pak vite që grumbullon emra të famshëm. Nuk ka shpenzuar shumë për transferime, por ai mburret me paga për emra të njohur si ish lojtari i United Odion Ighalo, Bomberi që dikur ka mbrojtur ngjyrat e Portos, Moussa Marega si dhe argjentinasi Luciano Vietto.
Sigurisht, ylli i ekipit është trajneri, Ramón Díaz, i njohur ndryshe si “El Pelado”, legjendë e River Plate, plurikampion në Argjentinë dhe në Amerikën Latine. Al Hilal gjithashtu sundon në Arabinë Saudite me një grusht të hekurt. Klubi ka fituar 18 liga, dyfishi i Al Nassr, skuadra që ka në organikë njëfarë Cristiano Ronaldo.
Fuqia e tyre në fushë bazohet te të huajt, por edhe tek yjet e tyre vendas. Në listën saudite për Botërorin e fundit në Katar ishin 12 nga Al Hilal. Konkretisht: portieri Al Owais, titullar në kombëtare dhe zëvendësues në klubin e tij, mbrojtësit Abdulhamid, Al Bulayhi, Al Shahrani dhe Al Burayk. Në repartin e mesfushës ekipi ka besim te zotësia e Otayf, Al Malki, Kanno, Al Faraj dhe N. Al Dawsari. Sulmi përbëhet nga, Salem Al Dawsari, ylli i ekipit, dhe Al Shehri. Reali i Madridit nuk pritet ta ketë të lehtë ditën sotme.
Discussion about this post