Ka nisur protesta e thirrur nga opozita në Sheshin “Nënë Tereza”. Një protestues ka deklaruar se ai ka ardhur me familjen e tij në protestë dhe nuk do të largohet nga sheshi pa rrëzuar qeverinë. Qytetari u shpreh se çdo gjë ka shkuar në shkatërrim prandaj duhet t’i jepet fund sa më parë regjimit të Ramës.
“Kjo qeveri ka diskretituar. Çmimet janë atje ku nuk duhet. Pisllëqet e tjera na kanë diskretituar.
Ose do largohet, ose do largohemi ne. Rrugë tjetër nuk ka. Unë nuk largohem. Këta e kanë çuar deri në derexhe të fundit këtë vend. Nuk kemi qenë kaq keq sa tani. edhe nesër me na thirr, dhe pasnesër, këtu na keni. Nuk largohemi po nuk ikën këta. Jemi betuar një herë e mirë. Për shtëpi dhe kombin. Ai do ikë, do e përzëmë. Dhe me gjithçka tjetër do e përzëmë”, tha ai.
Sakaq, numri i protestuesve vazhdon të shtohet ndërsa qeveria ka blinduar godinën dhe ka shtuar forcat e policisë në zonat përreth.
Pak orë para protestës, Berisha: Shqipëria marshon në Tiranë
Discussion about this post