Kreu i PD, Sali Berisha ka folur me tone të ashpra sot në protestë ndaj kryeministrit Rama. Ai tha se kabineti i Ramës e ka kthyer Shqipërinë në një vend të trafikantësh, si një Kolumbi e dytë. Sakaq, ai ka kërkuar kryeministrit të largohet nga qeveria sëbashku me bandën e tij kriminale që po detyrojnë qytetarët të braktisin vendin.
“Revolucioni ynë do të fitojë! Sot Shqipëria shihet si një vend ku mafia dhe kartelet e drogës pastrojnë paratë e krimit. Në dy vitet e fundit, importet nga Kolumbia janë rritur 60 herë për të shndërruar këtë tokë të bekuar, në një Kolumbi të dytë për Europën. Edi Rama, ti je një rrezik madhor për sigurinë e Shqipërisë, rajonit dhe më gjerë. Jep dorëheqjen dhe largohu me organizatën tënde kriminale. Pse duhet të durojnë shqiptarët të durojnë këtë poshtërim, këtë nxirje të imazhit të kombit? Imagjinoni sikur të ndodhë që një njeri si ky, të bëjë hapin në samitin e NATO-s, çfarë do të ndodhë me Shqipërinë dhe shqiptarët? Shqipëria dhe shqiptarët do skuqen nga turpi. Edi Rama, ik, largohu, jep dorëheqjen”, shprehet ai.
Opozita nisi sot protestën në orën 12:00. Kjo protestë është cilësuar si sipari i një revolucioni për largimin e qeverisë Rama. Protesta u paralajmërua pas publikimit të dosjes së ish-agjentit të FBI-së Charles McGonigal, i akuzuar për korrupsion.
Berisha: Rama urren shqiptarët, vret shpresën
Discussion about this post