Plagoset me thikë i riu në Durrës

Një plagosje me thikë është regjistruar mesditën e kësaj të shtune në lagjen nr.17 në Durrës.

Sipas informacioneve paraprake, i plagosur ka mbetur një i ri, i cili është dërguar me urgjencë në spital.

I riu është futur menjëherë në sallën e operacionit, pasi mjeti prerës i ka shkaktuar plagë të shumta në gjoks.

Ndërkohë që ende nuk dihen detaje lidhur me gjendjen e tij shëndetësore.

Deri më tani mësohet se Policia e Shtetit ka nisur hetimet, por ende nuk dihet se kush është personi që ka plagosur të riun, i cili ende nuk është identifikuar.