Digjet mbi rezistencë punonjësi i pastrimit të Portit të Durrësit. Ngjarja ka ndodhur në orët e para të mëngjesit të sotëm.
Mësohet se 50-vjeçari ishte duke u ngrohur dhe ka rënë mbi rezistencë, ku ka marrë djegie në pjesën e përparme të trupit. Ai është gjetur i pajetë nga punonjësit e tjerë.
Burime nga spitali bëjnë me dije se 50-vjeçari dyshohet të ketë pësuar infarkt dhe më pas ka rënë mbi rezistencë.
Ndërkohë për ngjarjen ka dhënë detajet e para edhe policia.
“Rreth orës 09:15, në terminalin e pasagjerëve, në portin e Durrësit, është gjetur i pajetë dhe pa shenja dhune, shtetasi A. A., 55 vjeç (punëtor për pastrim dhe gjelbërim).
Paraprakisht, dyshohet se 55-vjeçari ka humbur jetën për shkaqe natyrore, po punohet për përcaktimin e shkaqeve të vdekjes.
Grupi hetimor vijon punën për sqarimin e plotë të rrethanave të ngjarjes.”, njofton policia.
Discussion about this post