Përplasjet për fjalorin e papërshtatshëm në Kuvend vazhdojnë akoma mes opozitës dhe mazhorancës. Debate nisi së pari mes Ramës dhe Bashës, kur ky i fundit e akuzoi kryeministrin se përdori një gjuhë ofenduese ndaj Tabakut. Por, pak minuta më pas janë hedhur në sulm deputetët e PS, duke justifikuar gjuhën e kryeministrit.
Në fjalën e saj ministrja e Infrastrukturës Belinda Balluku ka dalë në mbrojtje të kryeministrit, duke thënë se gratë e opozitës janë quajtur kukulla dhe harem, por atëherë askush nuk reagoi për këto terma të përdorur. “Do të ndalesha pak te debati i mëngjesit. Unë nuk bëj pjesë te ata që mendojnë se bëhet një diferencë mes zonjave dhe zotërinjve në Parlament. Ne kemi ardhur të bëjmë detyrat, nuk prekem fare te kjo pjesë. T’ju kujtoj, asnjëra nga zonjat këtu nuk reagoi në seancën e parë kur kryetari juaj na u drejtua me gisht duke thënë se ishim kukulla që jemi sjellë nga kriminelët, më keq se kaq.
Dhe po të thuhet për një mashkull është problem se kemi fëmijë në shtëpi, pleq, prindër që i dëgjojnë. Duhet të biem dakord që të mos thuhen këto. Deputetët tuaj, kur i krijua qeveria dolën në ekrane, ju e dini shumë mirë se dolën dhe kërkuan falje publike por dëmi bëhet, se thanë se ishim harem”, tha ajo. Sipas Ballukut, fjalë dhe shprehje të tmerrshme në Parlament kanë përdorur të dyja palët.
Discussion about this post