Tenistja kineze Shuai Peng, 35 vjeçe, e cila është vlerësuar me shumë çmime, rezulton e zhdukur vetëm një javë pasi denoncoi se ishte përdhunuar tre vite më parë nga ish zv/kryeministri kinez Zhang Gaoli, 75 vjeç.
Mediat e huaja raportojnë se heshtja e saj është për t’u shqetësuar duke ditur mjetet e forta të censurës në duart e qeverisë kineze.
Tenistja publikoi rrëfimin e saj të detajuar në Ueibo, i barasvlefshëm me Twitter në Kinë. Ndërsa ky postim qëndroi online për vetëm 20 minuta.
Ndërsa që nga ai moment Shuai Peng nuk ka postuar më asgjë, komentet janë fshirë dhe postimi është censuruar në rrjetet sociale kineze. Ditën që ajo bëri këtë denoncim publik fjala tenis u ndalua të përdoren në Ueibo.
35-vjeçarja akuzoi Zhang duke treguar se ishin takuar për herë të parë, para shtatë vjetësh kur ai ende nuk ishte zv/kryeministër.
Ndërsa para 3 vitesh ishin ritakuar për një lojë tenisi dhe aty ai e përdhunoi. Madje ajo ka shtuar se ishte terrorizuar, pasi bashkëshortja e tij sigurohej që askush mos të shihte dhe të mos dëgjonte gjë.
Më tej mediat e huaja raportojnë se shqetësimet në mesin e komunitetit global të tenisit janë rritur gjatë dy javëve të fundit, me WTA(shoqata e të drejtave të grave), e cila në një deklaratë të dielën tha se do të kërkojë një “hetim të plotë, të drejtë dhe transparent mbi akuzat për sulm seksual kundër ish-udhëheqësit kinez”./K.T/Gijotina.com
Discussion about this post