Performanca jo e mirë e Neymar gjatë këtij sezoni i ka futur drejtuesit e Paris Saint-Germain në mendime për vazhdimësinë apo jo të brazilianit.
‘El Nacional’ raporton se Nasser Al-Khelaifi beson se Neymar ka arritur në fund të ciklit të tij në PSG dhe se mund të jetë koha për të kthyer faqen me brazilianin edhe pse zgjatja e kontratës së tij, që e detyron atë të mos largohet deri në vitin 2025, u nënshkrua majin e kaluar.
Duke ditur se parisienët nuk duan në asnjë mënyrë që të lejojnë largimin e Kylian Mbappe, kontrata e të cilit përfundon verën e ardhshme, ‘sakrifikimi’ i Neymar shihet si një mënyrë që francezi të qëndrojë te PSG-ja.
Sipas mediave iberike, prioriteti i presidentit Al-Khelaifi do të ishte thjesht zgjatja e qëndrimit të Kylian Mbappe, i cili duket i destinuar të largohet nga klubi kryeqytetas kur t’i skadojë kontrata qershorin e ardhshëm. Në të vërtetë, një rinovim i kontratës së tij nuk duket shumë e mundur dhe për të ndryshuar trendin, Nasser Al-Khelaïfi do të ishte i gatshëm të bënte çdo sakrificë, përfshirë një transferim të Neymar./K.T/Gijotina.com
Discussion about this post