Nëse do të kishte një manual komunikimi që synonte të jepte këshilla se si të shpërqendrohej një tifozeri nga një ndeshje e ardhshme, mirë, “mësimi” i dhënë dje nga Jose Mourinho është shmëbull për tu ndjekur. Edhe pse sonte Roma luan një play-off mjaft delikat ndaj Salzburgut për të vazhduar rrugëtimin në Europa League, vëmendja e tifozëve është e fokusuar plotësisht te fjalët e trajnerit.
Trajneri portugez prej javësh kërkon një takim me Friedkinët për të vendosur të ardhmen. Prandaj është e qartë se të ketë një kontratë deri në vitin 2024 nuk i mjafton. Ndonëse i njeh mirë kufizimet të vendosura ndaj pronësisë për fair play-in financiar, ai dëshiron të dijë se cili do të jetë plani për vitet në vijim, përndryshe mund të vendosë me qetësi (“me qetësi” është shumë e rëndësishme) të largohet, duke qenë se nuk i mungojnë ofertat.
Tashmë po flitet për kontaktet e menaxherit të tij Jorge Mendes me Chelsean për të startuar një aventurë të tretë në Londër, për të mos përmendur që Real Madrid mund ta thërrasë atë duke marrë parasysh marrëdhëniet e mira që Portugezi ka me Florentinon (duke parë dhe faktin që Ancelottin e kërkon me insistim Brazili).
Nuk duhet harruar as Paris Saint Germain, që nëse dështon në Champions, me siguri ka për të sakrifikuar trajnerin Galtier. Theksojmë gjithashtu se në klub është drejtor sportiv, miku i tij, Luis Campos, i cili po hasë probleme me sjelljen e disa futbollistëve kryesorë të kampionëve të Francës. Pikërisht një gjenral i hekurt duhet për të menaxhuar egot gjigande të Mbappe, Neymar, Messi por jo vetëm këtyre tre fenomeneve.
Mesazhi pra është i qartë, Mourinho do një projekt serioz për Romën ose ka për të thënë lamtumirë. Lojtari që do ta ndjente shumë largimin e Special One do të ishte pa asnjë dyshim Paulo Dybala, i cili ka gjetur formën e mirë falë trajnerit luzitan.
Discussion about this post