Glen Daja është zyrtarisht trajneri i ri i Elbasanit. Njoftimi ka ardhur nga vetë klubi përmes një postimi në rrjetet sociale.
Pas përvojës si asistent te Dinamo, Daja merr tashmë detyrën e rëndësishme te verdheblutë dhe do të nisë nga puna nga sot për të vijuar me përgatitjet për ndeshjen e radhës në Superiore me Teutën në Durrës.
Kjo do të jetë hera e parë që Glen Dajës i besohet një rol i tillë, ndërsa drejtuesit e Elbasanit i kanë besuar pikërisht atij për të vazhduar punën e lënë në mes nga Ivan Gvozdenovic, ky i dorëhequr disa ditë më parë pas humbjes me Skënderbeun.
Discussion about this post