Një motoçikletë e rrallë “Harley-Davidson” e vitit 1908 u shit për gati 1 milion dollarë, çmimi më i lartë i paguar ndonjëherë për një motoçikletë në ankand.
Motoçikleta 114-vjeçare iu shit një blerësi misterioz për 935 mijë dollarë nëpërmjet “Mecum Auctions” në Las Vegas.
Ajo besohet të jetë një nga vetëm 12 motoçikletat “Strap Tank” – e bërë me shirita çeliku të nikelit për të ndarë rezervuarët e karburantit nga korniza – në të gjithë botën.
Motoçikleta, e cila duket më shumë si një biçikletë elektrike moderne me kornizën dhe rrotat e saja të holla, u gjet në gjendje të mirë në vitin 1941 nga banori i Wisconsin, David Uihlein.
Ai e mbajti atë për 66 vitet e ardhshme dhe së fundmi u restaurua nga koleksionisti Paul Freehill i Fort Wayne, Ind.
Harley-Davidson u themelua në vitin 1903 në qytetin amerikan, Milwaukee.
Discussion about this post