Zëdhënësja e PD, Floriana Garo denoncoi sot publikisht, abuzimin më të fundit të kryeministrit Edi Rama me financat e shtetit, 4 milionë euro për një instalacion që do ta vendosë në oborrin e brendshëm të Kryeministrisë, duke theksuar se “kryeministri normal i një vendi normal, gjëja e fundit që bën janë shpenzimet e luksit, aq më shumë kur në dhjetë vitet e menaxhimit të shtetit, i ka ikur nga atdheu 1/3 e popullisë.”
Garo tha se “katër milionë euro nga taksat tuaja do të kushtojë një instalacion, që do të vendoset në oborrin e brendshëm të Kryeministrisë. “I mbiquajtur “kopështi i Parajsës”, përveç kostos së pajustifkuar, është edhe një tallje e hapur me shqiptarët.
“Për kujtesë, ajo që Rama e quante ‘Pakoja e madhe’ dhe do të ndahej mes 1 milionë shqiptarëve, ka nxjerrë nga arka e shtetit 8 milionë euro. Për një kopësht që e sheh vetëm kryeministri dhe grupi i afërt i tij, rreth 20 vetë në ditë, janë derdhur 4 milionë euro.
Kryeministri normal i një vendi normal, nuk do ta luftonte inflacionin me një paketë 8 milionë euro dhe gjysmën e kësaj shume ta shpenzonte për pasditet e tij dhe të stafit, nën hijen e pemëve kacavjerrëse.
Kryeministri normal i një vendi normal, gjëja e fundit që bën janë shpenzimet e luksit, aq më shumë kur në 10 vitet e menaxhimit të shtetit, i ka ikur nga atdheu 1/3 e popullisë”, tha ndër të tjera Garo.
Discussion about this post