Nis protesta e pedagogëve: Nuk na janë plotësuar kërkesat

Ashtu sikurse e kishin paralajmëruar, ka nisur protesta e pedagogëve, të cilët kërkojnë plotësimin e kërkesave të tyre.

Në mbështetje të tyre janë edhe studentë. Ata protestuan dhe bojkotuan mësimin në vitin që lamë pas, teksa kanë  thënë se disa prej kërkesave janë të panegociueshme.

Në hapje të protestës një prej pedagogëve deklaroi se ka një numër të shtuar të pjesëmarrësve në protestë edhe nga universitetet e tjera.

 

“Më vjen mirë që ka një prezencë të dominuar të universitetit të arteve. Kolegët tanë janë dita ditës më të sensibilizuar për platformën e re të arsimit që janë çështjet madhore që universitetet duhet të rishikojnë”, deklaroi ai.

 

“Pa vlerësim financiar të mirë nuk ka as staf akademik të mirë. Qeveria dështoi. Shtesa e rrogës është e pa konsiderueshme. Ne i qëndrojmë kërkesën që pagat të mos jenë më pak se mesatarja rajonale ose të paktën sa niveli i pagave në Kosovë”, u shpreh një tjetër pedagog.

Kërkesat e pedagogëve

-Rritja e pagave për pedagogët dhe stafin ndihmës

-Rritja e financimit për kërkimin shkencor

-Rivendosja e shtesave mbi pagë për ‘Dëshmëri shëndeti në punë’

-Rritja e shtesës mbi pagën për vjetërsinë në punë

-Rritja e pagesës së orëve të ngarkesës suplementare

-Rivlerësimi i orës mësimore pasi ka zbritje prej 50% të pagesës së orës mësimore si rezultat i mosfierencimit të orës mësimore të leksionit.

-Rishikimin e tatimit prej 23% mbi pagesën e ngarkesës suplementare

-Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”.

-Të bëhet transparencë mbi buxhetin dhe të ardhurat e universitetet publike.