Kryeministri Edi Rama ka kërcënuar sërish protestuesit dhe prindërit e të rinjve që protestojnë, duke thënë se ata do të mbajnë përgjegjësi për dëmet e shkaktuara nga fëmijët e tyre.
“Kush shkatërron duhet të paguajë. Kush shkul pllakat e trotuareve dhe kush detyron dhe imponohet bashkisë së qytetit që çfarë ka planifikuar për kopshte, shkolla dhe duhet ta çoje për riparime, duhet të përndiqet nga hija e shtetit që i vjen pas dhe i kërkon deri në fund dëmshpërblimin.
Gjykata edhe pse në këndvështrimin tim ka lënë shumë për të dëshiruar, i ka konsideruar arrestet të ligjshme. Një numër jo i vogël ka qenë ndalime të miturish që gjykata ka dhënë vendim të mbikëqyrjes prindërore. Prindëri ka përgjegjësinë e vet. Por prindërit nuk do të mbeten jashtë kësaj përgjegjësie, do paguajnë dëmet që bëjnë fëmijët e tyre. Kjo nuk është kështu, është i mitur dhe nuk mban përgjegjësi”, u shpreh Rama ne takimin me drejtuesit e gjimnazeve.
Kryeministri bëri të ditur se qeveria po shqyrton edhe mundësinë e uljes së moshës për përgjegjësinë penale, një çështje që po diskutohet edhe në vende të tjera te BE.
“Unë nuk jam i idesë që për të miturit përgjigjja e vetme është ajo që po bën sot BE, ulja dhe ndryshimi i natyrës së qasjes ndaj përgjegjësisë penale. Është një opsion që do ta studiojmë, dhe do ta shohim nëse do ta ulim moshën për dënimin penal, do ta diskutojmë”, deklaroi kreu i qeverise.
Discussion about this post