Kryetari i Partisë së Lirisë Ilir Meta u thirr sot në SPAK. Pasi doli nga SPAK, Meta foli për atë që ishte pyetur.
Meta tha se është pyetur për aferën CEZ-DIA, duke shtuar se nuk ka lidhje me privatizimin e CEZ-it.
Meta: Atëherë po e nëse keni pritur këtu disa orë nuk është përgjegjësia ime. Më ka ardhur një ftesë për të ardhur në SPAK prej disa ditësh për një çështje të nisur që në vitin 2019, me çfarë kuptova, unë iu kam thënë edhe unë se kam pasur pritshmëri që SPAK do ishte institucion lider. Sa herë që të ftohesha do të vija me shumë kënaqësi për t’i ndihmuar.
Ashtu sikurse e dini që janë dhjetëra kallëzime të mia për çështje të veçanta për ligje me porosi, apo për denoncimin ndaj Kuvendit që falsifikoi firmën për shkarkimin e Kuvendit. Mesa kuptova kishte të bënte lidhur me çështjen CEZ-Dia. Aktivizohet gjithmonë si çështje sa herë që rilindja është në krizë. Jam përgjigjur me qetësi dhe durim për t’i ndihmuar për rrethana apo persona të caktuara. S’kam lidhje me privatizimin e CEZ. Ilir Meta sa herë ka qenë në poste ka mbrojtur interesin publik.
Discussion about this post