Endri Çekiçi ishte heroi i ndeshjes për Shqipërinë në fitoren historike ndaj Andorrës duke grumbulluar 18 pikë në këto kualifikuese. Pas ndeshjes mesfushori theksoi se kjo fitore ishte për të bashkuar grupin.
“Po ishim pa tifozë dhe e kisha ëndërruar para tifozëve golin tim të parë me kombëtaren. Shpresoj në të ardhmen të ketë gola të tjerë dhe të festoj më shumë. Në pjesën e parë kishim shanse, na mungoi fati. Neglizhuam pak dhe nuk duhet të ndodhin në ndeshje të tjera, pas humbjes me Anglinë na duhej fitorja për t’u rikthyer më të fortë psikologjikisht dhe për të bashkuar grupin.
Gjithmonë goli i parë shkon për familjen, është për mamin më shumë. Edhe përgjegjësia vjen me shtimin e minutave, kjo është ndeshja ime e parë për 90 minuta. Shpresoj në të ardhmen të përmirësohem dhe të kem më shumjë minuta”, u shpreh Çekiçi.
Discussion about this post