Portieri i ekipit kombëtar Tomas Strakosha ka analizuar paraqitjen e kuqezinjve në kualifikueset e kampionatit Botëror. Ai ka shprehur rezervat për fazën mbrojtëse ndërsa u ndal edhe tek humbja “tenistike” me Anglinë.
“Jam i lumtur që jam me kombëtaren, ndeshja e parë nuk shkoi shumë mirë. 1-0 me Andorrën nuk është rezultat pozitiv, por ishte një edicion i mirë dhe mund të bënim më shumë. 18 pikë nuk i kemi bërë kurrë, të shikojmë edhe anën pozitive. Nuk kishim asgjë më pak se Polonia. Me Anglinë kemi hyrë me frikë në fushë, kemi gabuar taktikisht dhe do të më ngelë peng.
Për sa di unë nuk ka asgjë të vërtetë për një kalim në Angli, jam i përqëndruar te Lazio se kam edhe një vit kontratë. Unë e kam mendjen te fusha dhe menaxheri merret me pjesën jashtë fushe, më mungon të luaj. Bravo çunave se dhanë maksimumin por po pësojmë me lehtësi dhe duhet të përmirësohemi”, tha Strakosha.
Discussion about this post