Pak nga pak, shumë detaje të ‘rastit Negreira’, po bëhen të ditura rreth skandalit të Barcelonës mbi pagesat ndaj ish-gjyqtarit dhe ish-zv.presidentin e gjyqtarëve spanjollë, Enriquez Negreira.
Në mesin e atyre që kanë dalë kohët e fundit, bien në sy deklarata e María Luisa Romero, e cila ishte bashkëshortja e Enriquez Negreira për dekada.
“Nëse i merrte ato shuma parash, ato nuk vinin në shtëpi. Kur kishte para, i përpinte”,- ka thënë fillimisht Maria Luisa për ‘OK Diario’. “Ka qenë shpërdorues, por ka qenë edhe shumë i dobishëm. Duhet ta kishte ndihmuar veten”.
Marrëdhënia mes të dyve, Enriquez dhe Maria Luisas, nuk ishte më e mira. “Ai kurrë nuk më tha asgjë që bënte, jetonte i lirë pa i dhënë shpjegime askujt”.
Gruaja beson gjithashtu se burri i saj do të kishte ndonjë dokument për derisa e ka kërcënuar Barcelonën. “Nëse ai nuk do të kishte ‘as’ nën mëngë, ai nuk do të dërgonte një burofaks kërcënues”,- përfundoi ish-gruaja e Negreiras.
Discussion about this post